विठूबंदी
धाडा रे कुणीतरी,
विठूला सांगावा,
आरक्षणाचा कांगावा,
फार झाला।
मागे होते एकदा
मराठा मंत्री सोळा,
आरक्षणाचा गोळा,
तेव्हाका नाही।
मुख्यमंत्र्यांना यंदा,
नाही महापूजा,
कारण बलभूजा,
जातीभेद।
संत सांगो गेले,
वारकरी एकता धर्म
भेदाभेद अमंगळ जर्म
जळो जळो।
नावडतीचे तुम्हा,
जरी अळणी मीठ,
निषेधाचे व्यासपीठ,
इथे नव्हे।
समतेचे वाळवंट,
एकमेका लोटांगणे,
तिथे धटिंगणे,
कशासाठी?
जिथे सर्वकाळ
नामाचा जागर
सत्तेचे गाजर,
तिथे कायी?
किती काळ देवा
राहशील मूक
तिच तिच चूक
जन्मोजन्मी।
सांगे "राजेश्वर",
म्हणोनी जगजेठी
धरु नका वेठी,
आर्जवूनी।
धाडा रे कुणीतरी,
विठूला सांगावा,
आरक्षणाचा कांगावा,
फार झाला।
मागे होते एकदा
मराठा मंत्री सोळा,
आरक्षणाचा गोळा,
तेव्हाका नाही।
मुख्यमंत्र्यांना यंदा,
नाही महापूजा,
कारण बलभूजा,
जातीभेद।
संत सांगो गेले,
वारकरी एकता धर्म
भेदाभेद अमंगळ जर्म
जळो जळो।
नावडतीचे तुम्हा,
जरी अळणी मीठ,
निषेधाचे व्यासपीठ,
इथे नव्हे।
समतेचे वाळवंट,
एकमेका लोटांगणे,
तिथे धटिंगणे,
कशासाठी?
जिथे सर्वकाळ
नामाचा जागर
सत्तेचे गाजर,
तिथे कायी?
किती काळ देवा
राहशील मूक
तिच तिच चूक
जन्मोजन्मी।
सांगे "राजेश्वर",
म्हणोनी जगजेठी
धरु नका वेठी,
आर्जवूनी।
No comments:
Post a Comment